भारतको उत्तर प्रदेशको राजधानी लखनऊमा आइतबार बिहान अखिल भारतीय हिन्दू महासभाका प्रदेश अध्यक्ष रणजीत बच्चनको गोली प्रहार गरि हत्या गरिएको छ ।
रणजीत आफ्ना भाइसँगै मर्निङ वाकमा गइरहेका बेला उनीमाथि गोली प्रहार भएको हो । रणजीतका भाइलाई पनि गोली लागेको छ र उनको उपचार भइरहेको छ ।
लखनऊका अतिरिक्त प्रहरी आयुक्त नवीन अरोडाका अनुसार आइतबार बिहान ६ बजे रणजित मर्निङ वाकका लागि निस्केका थिए ।
मोटरसाइकलमा आएका हमलाकारीले गोली प्रहार गरेलगत्तै घटनास्थलमै उनको मृत्यु भएको हो ।
