एजेन्सी । श्रीमान-श्रीमतीबीचको झगडाका कारण चार वर्षको बच्चाको ज्यान गएको छ ।
भारत, राजस्थानको चिन्डावास्थित बुडानिया गाउँका एक दम्ती (विद्याधर स्वामी–सुनिता स्वामी) बीच झगडा हुँदै आएको थियो । झगडापछि आक्रोशित श्रीमती सुनिताले राति चार वर्षीय छोरा विवानलाई पानी ट्यांकीमा डुबाइदिएकी हुन् ।
त्यसपछि हत्यालाई हमला (आक्रमण) को रुप दिनको लागि हात र घाँटीको नसा काटिदिइन् ।
उनले छिमेकीहरुलाई सुनाइन् कि, 'कसैले आफ्नो छोरालाई आक्रमण गरेर उठाएर लग्यो ।' पछि पानी ट्यांकीमा शव फेला पर्यो ।
घटना भएको समय सुनिताका श्रीमान विवाह पार्टीमा गएका थिए । उनी घरमा थिएनन् ।
केही समयमा घटनास्थलमा प्रहरी आइपुग्यो । प्रहरीले सुरुमा सुनिताको कुरा विश्वास गर्यो ।
तर, अनुसन्धानको लागि ल्याइएको प्रहरीको कुकुरले तथ्य पत्ता लगाउन सहयोग गर्यो ।
कुकुर सुनिताको कोठादेखि पानी ट्यांकीसम्म घुमिरह्यो । प्रहरीले सुनतिाको खाटमुनि रगत लागेको सानो ब्लेड पनि फेला पार्यो ।
त्यसपछि सुतिाले घटनाको बारेमा मुख खोलिन् ।
