भोपाल । भारतको मध्यप्रदेश राज्यका सभामुख नर्मदाप्रसाद प्रजापतिले विधानसभाका ६ जना सांसदको राजीनामा स्वीकृत गरेका छन् । उनीहरू सबै भारतीय राष्ट्रिय कंग्रेसका हुन् ।
कंग्रेसका इमर्ती देवी, तुल्सी सिलावात, प्रधुमन सिंह टोमर, महेन्द्रसिंह सिसोदिया, गोविन्द सिंह राजपूत, र प्रभूराम चौधरीले पार्टी परित्याग गरेपछि कंग्रेसको अनुरोधमा उनीहरूको राजीनामा स्वीकृत भएको हो ।
उनीहरूलाई केही समय अगाडि राज्य सरकारको मन्त्रिपरिषद्बाट हटाइएको थियो । कंग्रेसका अन्य २२ जना विधायकले पनि पार्टीबाट राजीनामा दिइएको घोषणा गरेका छन् ।
ती सांसदहको घोषणासँगै मुख्यमन्त्री कमलनाथ नेतृत्वको प्रदेश सरकार सङ्कटमा परेको छ ।
