एजेन्सी । कोरोना भाइरस संक्रमणबाट ज्यान गुमाउनेको संख्या ७ हजार ९ सय ६५ पुगेको छ ।
चीनबाट सुरु भएको कोरोना भाइरस अहिलेसम्म १ सय ६५ देशमा फैलिसकेको छ । विश्वभर अहिलेसम्म १ लाख ९८ हजार २ सय २९ जना यस भाइरसबाट संक्रमित छन् भने ८१ हजार ७ सय ३८ जना निको भैसकेका छन् ।
कोरोनाको महामारीका कारण विश्वका थुप्रै मुलुकहरुले आफ्ना मुलुकसंगको जल र स्थल दुवै मार्ग बन्द गरेका छन भने कैयौं मुलुकमा कर्फ्यु लगाइएको छ ।
चीनपछि कोरोनाको भारी प्रकोप फैलिएको युरोपले आफुलाई विश्वका सबै मुलुकबाट अलग बनाएको छ ।
अमेरिकाका कैयौं राज्यमा कर्फ्यु लगाईएको छ । संयुक्त राष्ट्रसंघले आफ्ना सबै औपचारिक बैठकहरु स्थगित गरिसकेको छ ।
इरानले जेलमा रहेको ८५ हजार कैदीहरुलाई अस्थायी रुपमा रिहा गरिसकेको छ ।
पाकिस्तानमा कोरोनाका कारण पहिलो मृत्यु भएको छ भने अफ्रिकी मुलुक तांजानिया र सोमालियामा पनि प्रकोप पुगिसकेको छ ।
अर्को पछिल्लो जानकारी अनुसार चीनका बैज्ञानिकहरुले नयाँ तथ्य पत्ता लगाएका छन् ।
ओ रगत समूह (ब्लड ग्रुप)का मानिसमा कोरोना संक्रमणको खतरा न्युन रहेको र ए रक्त समुहका मानिसमा संक्रमणको खतरा उच्च रहेको चिनियाँ बैज्ञानिक र चिकित्सकहरुले जनाएका छन् ।
