एजेन्सी । भारतको राजधानी दिल्लीमा एक युवतीमाथि दुर्व्यवहार भएको छ ।
भारतमा लगाइएको जनता कर्फ्यूको समय सकिएपछि बजारबाट एक युवती दिल्लीस्थित मुखर्जीनगरमा रहेको आफ्नो घर जाँदै थिइन् ।
त्यसक्रममा मोटरसाइकलमा आएका युवकले युवतीलाई कोरोना कोरोना भन्दै थुकिदिएका थिए ।
मणिपुर स्थायी घर भएकी युवतीले आफूमाथि दुर्व्यवहार भएको बताएकी हुन् ।
साँझको समयको फाइदा उठाउँदै ती व्यक्तिले आफूमाथि दुर्व्यवहार गरेको युवतीले प्रहरीसमक्ष बयान दिएकी छिन् ।
मोटरसाइकलमा रहेका व्यक्ति लगभग ४४–४५ वर्षको रहेको उनले बताएकी छिन् ।
पीडित युवती मुखर्जी नगरमा भाडामा बसेर अध्ययन गर्दै आएकी छिन् ।
प्रहरीले सिसिटिभी फुटेजमार्फत उक्त व्यक्तिको खोजी गरिरहेको जनाएको छ ।
यसैबीचर भारतमा कोरोना संक्रमण नियन्त्रण गर्न सोमबार बिहान ६ बजेदेखि दिल्लीमा लकडाउन घोषणा भएको छ ।
लकडाउन मार्च ३१ सम्म जारी रहनेछ ।
