एजेन्सी । अमेरिकामा एकैदिन १८,२७६ मानिसमा कोरोना भाइरस संक्रमण देखिएको छ ।
यससँगै अमेरिकामा कूल संक्रमितको संख्या एक लाख ४१ हजार ८५४ पुगेको छ ।
यसैबीच पछिल्लो २४ घण्टामा २ सय ५५ जनाको मृत्यु भएपछि अमेरिकामा मृतकको संख्या २,४७५ पुगेको छ ।
यसका साथै इटलीमा कोरोना भाइरसका कारण ज्यान गुमाउने संख्या सबैभन्दा धेरै छ ।
इटलीमा मृतकको संख्या १० हजार ७ सय ७९ पुगेको छ ।
विगत २४ घण्टामा ५ हजार २ सय १७ संक्रमित थपिएपछि यहाँ संक्रमितको संख्या ९७,६८९ पुगेको छ ।
