एजेन्सी । कोरोना संक्रमणको जोखिमलाई मभ्यनजर गर्दै पूरै भारतमा २१ दिनसम्म लकडाउन जारी छ ।
यसबीचमा अधिकांश स्थानमा लकडाउनमा लापरबाहीका घटना समेत सार्वजनिक भइरहेका छन् ।
जसको कारण भारतमा कोरोना भाइरस संक्रमितको संख्या बढ्दै गइरहेको छ ।
भारत मध्य प्रदेशको आर्थिक राजधानीको रुपमा परिचित इन्दौरमा मात्रै कोरोना संक्रमितको संख्या २२ भन्दा बढी पुगिसकेको छ ।
भारतको केन्द्र सरकार र राज्य मिलेर लकडाउनालई थप कडाइ गरिने भएको छ । तर, सरकारले सोचेको जस्तो हुन सकेको छैन ।
यसैबीच, इन्दौरमा लकडाउनलाई थप कडाइ गरिने भएको छ । यहाँ अत्यावश्यक चिज दूध, तरकारी, खाद्यान्न लगायत केही सामाग्रीको लागि बजार खुल्ने छैन ।
मानिसहरु घरबाहिर निस्कने क्रम नरोकिएपछि त्यहाँ लकडाउनलाई थप कडाइ गरिएको हो ।
मिनी मुम्बई पनि भनिने इन्दौर अब तीन दिनसम्म पूर्ण रुपमा बन्द रहनेछ । कोरोना संक्रमितको संख्या अचानक बढ्न थालेपछि त्यहाँ यस्तो निर्णय गरिएको हो ।
