एजेन्सी । कोरोनाभाइरसको संक्रमणबाट जापानका प्रख्यात हाँस्य अभिनेता केन शिमुराको मृत्यु भएको छ ।
जापानका चर्चित हास्य अभिनेता केनको ७० वर्षको उमेरमा आइतबार साँझ मृत्यु भएको हो ।
सन् १९७० को दशकमा उनले अभिनय यात्रा सुरु गरेका थिए ।
२० मार्चमा उनी ज्वरो तथा निमोनियाको समस्याका कारण अस्पताल भर्ना भएका थिए ।
स्वास्थ्य जाँच गर्दा कोरोनाभाइरस पोजेटिभ देखिएपछि उनी अस्पतालमै उपचाररत थिए ।
जापानमा कोरोनाभाइरसबाट मृत्यु हुने उनी पहिलो सेलिब्रेटी हुन् ।
