एजेन्सी । भुटानमा लकडाउनको अवधि बढाएर २१ दिने बनाइएको छ ।
हिजो (सोमबार) घोषणा भएको २१ दिने लकडाउन आज (मंगलवारदेखि) लागू हुने छ।
भुटानका प्रधानमन्त्रीको आधिकारिक ट्विटर एकाउन्टमा सरकारले २१ दिने लकडाउन गर्ने निर्णय गरेको उल्लेख छ ।
उच्च सर्तकताका लागि लकडाउन अत्यावश्यक वाध्यता बनेको भुटानी प्रधानमन्त्रीले बताएका छन् ।
भूपरिवेष्ठित मुलुक भुटानमा कोरोना भाइरसको सङ्क्रमण थप बढ्ने सम्भावनालाई मध्यनजर गर्दै २१ दिने लकडाउन घोषणा गरिएको हो ।
भुटानमा सोमबारसम्म चार जनामा कोरोना भाइरसको सङ्क्रमण पुष्टि भएको छ ।
अमेरिकाको जोन्स हकिन्स विश्वविद्यालयका अनुसार सबैभन्दा पहिलो बिरामी मार्च ५ मा भेटिएका थिए ।
ती व्यक्ति अमेरिकाका ७६ वर्षीय पर्यटक थिए ।
उनी भारतको आसामको समेत भ्रमण गरेर भुटान आएका थिए ।
