एजेन्सी । कोरोना भाइरसको संक्रमण नियन्त्रणको लागि ला भारतमा २१ दिन लकडाउन जारी छ ।
मार्च २४ देखि देखि सुरु भएको लकडाउन अप्रिल १४ जारी रहनेछ ।
लकडाउनबाट निम्न आय स्रोत भएका, दैनिक मजदुरी गरेर पेट पाल्न बाध्य वर्ग नराम्रोसँग प्रभावित भएका छन् ।
गाउँ–गाउँबाट जीवनयापनका लागि शहर आएका मानिस यतिबेला संकटमा छन् ।
लकडाउनका कारण यस्ता मजदुरका लागि राहत तथा खर्च सम्बोधन गर्न सकिएको छैन ।
शहर जब पूरै बन्द भयो तब मजदुर भोक प्यासको मतलव नगरी हिँडेर नै आफ्नो घर (गाउँ) पुग्न भनी शहरबाट निस्किए ।
यो यात्रामा कतिले आफ्नो ज्यान नै गुमाउनु पर्यो । कसैलाई गाडीले ठक्कर दिए, कतिको हिँड्दा-हिँड्दै मृत्यु भयो ।
यसरी शहरबाट हिँडेर गाउँ जानेहरुमध्ये अहिलेसम्म ३४ जनाको मृत्यु भएको भारतीय सञ्चार माध्यमले जानकारी दिएका छन् ।
यसैबीच, कोरोना भाइरस संक्रमणका कारण भारतमा ३९ जनाको मृत्यु भइसकेको छ ।
