एजेन्सी । अमेरिकी राष्ट्रपति डोनल्ड ट्रम्पले भारतीय प्रधानमन्त्री नरेन्द्र मोदीको तारिफ गरेका छन् ।
भातरीय प्रधानमन्त्री मोदी वास्तवमै महान् र राम्रो लिडर भएको ट्रम्पले उल्लेख गरेका छन् ।
मोदीको तारिफ गर्दै ट्रम्पले ट्विटमा लेखेका छन्, ‘असाधारण समयमा मित्रहरु बीच घनिष्ठ सहयोग आवश्यक छ । हाइड्रोक्सीक्लोरोक्विनबारे लिइएको निर्णयका लागि भारत र भारतीय जनतालाई धन्यवाद । यो कहिल्यै बिर्सने छैन । प्रधानमन्त्री नरेन्द्र मोदी, यो लडाईंमा भारतलाई मात्रै नभई मानवतालाई पनि सहयोग गर्न चाल्नुभएको तपाईंको यो उत्कृष्ट नेतृत्वका लागि धन्यवाद ।’
Extraordinary times require even closer cooperation between friends. Thank you India and the Indian people for the decision on HCQ. Will not be forgotten! Thank you Prime Minister @NarendraModi for your strong leadership in helping not just India, but humanity, in this fight!
— Donald J. Trump (@realDonaldTrump) April 8, 2020
ट्रम्पले भारतबाट २.९ करोड हाइड्रोक्सीक्लोरोक्विन पठाएको पनि जानकारी दिए ।
यसैबीच ट्रम्पको ट्विटपछि भारतीय प्रधानमन्त्री मोदीले आफ्नो प्रतिक्रिया दिएका छन् ।
मोदीले भनेका छन्, राष्ट्रपति ट्रम्पको कुरामा म पूर्ण रुपमा सहमत छु । यस समयले मित्रतालाई झनै नजिक ल्याउँछ । भारत–अमेरिकाबीच सहकार्य पहिलेभन्दा मजबुत भएको छ । भारत कोरोना भाइरसविरुद्ध मानवताको लडाइँमा सहयोग गर्न हरसम्भव प्रयास गर्नेछ । हामी अवश्य जित्नेछौं ।
Fully agree with you President @realDonaldTrump. Times like these bring friends closer. The India-US partnership is stronger than ever.
— Narendra Modi (@narendramodi) April 9, 2020
India shall do everything possible to help humanity's fight against COVID-19.
We shall win this together. https://t.co/0U2xsZNexE
यसअघि मंगलबार ट्रम्पले धम्की दिँदै यदि भारतले उनको व्यक्तिगत आग्रहपछि पनि औषधी पठाउँदैन भने कारवाही गर्ने चेतावनी दिएका थिए ।
गत शनिबार ट्रम्पले भारतसँग कोरोना भाइरससँग लड्नका लागि मलेरियाका लागि प्रयोग हुने औषधी हाइड्रोक्सीक्लोरोक्विनको खोप माग गरेका थिए ।
