काठमाडौं । रुसमा कोरोना भाइरस (कोभिड–१९) बाट एकैदिन मृत्यु हुनेको संख्या अहिलेसम्मकै उच्च पुगेको छ । 

तथ्यांक अनुसार पछिल्लो २४ घण्टामा रुसमा कोरोना भाइरसबाट मृत्यु हुनेको संख्या १७४ पुगेको छ । योसँगै रुसमका कोरोना भाइरसबाट मृत्यु हुनेको संख्या तीन हजार ८०७ पुगेको छ ।

त्यस्तै रुसमा पछिल्लो २४ घण्टामा कोरोना भाइरसका आठ हजार ९१५ नयाँ संक्रमित फेला परेका छन् । 

रुसमा कोरोना भाइरसबाट संक्रमित हुनेको कूल संख्या तीन लाख ६२ हजार ३४२ पुगेको छ । 

संक्रमित संख्याको हिसाबमा रुस अमेरिका र ब्राजिलपछि तेस्रो स्थानमा छ ।