कोरोना भाइरस (कोभिड-१९) संक्रमणका कारण भारतको तामिलनाडु राज्यका विधायनसभा सदस्यको निधन भएको छ ।
कोरोना संक्रमणबाट विधायनसभा सदस्य जे अन्बझागानको निधन भएको हो ।
चेन्नईस्थित एक अस्पतालमा उपचारको क्रममा बुधबार उनको निधन भएको भारतीय सञ्चारमाध्यमहरुले उल्लेख गरेका छन् ।
६२ वर्षीय अन्बझागान चेन्नईस्थित डा. रेला इन्स्टिच्युट एन्ड मेडिकल सेन्टरमा जुन २ मा भर्ना भएका थिए ।
कोरोना संक्रमणका कारण स्वास्थ्यमा गम्भीर समस्या आएपछि भेन्टिलेटर, अक्सिजनलगायत सबै उपाय अपनाउँदा पनि उनलाई बचाउन नसकिएको अस्पतालले जनाएको छ।
उनी तामिलनाडुको चेपक क्षेत्रबाट डीएमके पार्टीबाट तीनपटक निर्वाचित भएका थिए।
