कोरोना भाइरसको संक्रमणबाट विश्वभर ज्यान गुमाउनेको संख्या चार लाख २३ हजार नाघेको छ।
शुक्रबार बिहानसम्मको तथ्यांक अनुसार विश्वभर कोरोना संक्रमणका कारण मृत्यु हुनेको संख्या चार लाख २३ हजार ८६ पुगेको छ ।
पछिल्लो अपडेट अनुसार विश्वभर संक्रमितको संख्या ७५ लाख ८३ हजार नौ सय आठ पुगेको छ ।
गएको २४ घण्टामा विश्वभर चार हजार नौ सय ५१ जनाले कोरोना संक्रमणको कारण ज्यान गुमाएका छन् । यसबीचमा एक लाख ३६ हजार सात सय ५७ जना नयाँ संक्रमित थपिएका छन् ।
गएको २४ घण्टामा सबैभन्दा धेरै ब्राजिलमा एक हजार दुई सय ६१ जनाले ज्यान गुमाएका छन् भने अमेरिकामा नौ सय चार जनाले ज्यान गुमाएका छन् ।
गएको २४ घण्टामा भारतमा संक्रमणको कारण तीन सय ९४ जनाले ज्यान गुमाएका छन् । यो संख्या भारतमा संक्रमण देखिएयताकै सबैभन्दा उच्च हो । बिहीबार एकै दिन भारतमा ११ हजार एक सय २८ जना नयाँ संक्रमित थपिएका छन् ।
योसँगै भारतमा संक्रमितको संख्या झण्डै तीन लाख पुगेको छ । शुक्रबार बिहानसम्मको तथ्यांकअनुसार भारतमा अहिलेसम्म दुई लाख ९८ हजार दुई सय ८३ जनामा कोरोना संक्रमण पुष्टि भएको छ ।
भारतमा अहिलेसम्म संक्रमणको कारण आठ हजार सात सय ७९ पुगेको छ ।
