भारत मध्यप्रदेशका मुख्यमन्त्री शिवराज सिंह चौहानलाई कोरोना भाइरस (कोभिड–१९) संक्रमण पुष्टि भएको छ ।
सामाजिक सञ्जालमार्फत उनले यस बारेमा जानकारी दिएका हुन् । उनले आफूसँग सम्पर्कमा आएकाहरूलाई क्वारेन्टाइनमा बस्न आग्रह गरेका छन् ।
मुख्यमन्त्रीले ट्विटरमा लेखेका छन्, 'मेरा प्रिय जनहरू, म कोभिड–१९ को लक्षणहरू अनुभव गरिरहेको छु, परीक्षणपछि मेरो रिपोर्ट पोजिटिभ आएको छ । म मेरा सबै सहकर्मीहरूलाई अपिल गर्दछु, जो कोही मसँग सम्पर्कमा आएका थिए उनीहरूको कोरोना परीक्षण गर्नुपर्छ, मेरो नजिकका व्यक्तिहरू क्वारेन्टाइनमा कस्नुपर्छ ।'
मेरे प्रिय प्रदेशवासियों, मुझे #COVID19 के लक्षण आ रहे थे, टेस्ट के बाद मेरी रिपोर्ट पॉज़िटिव आई है। मेरी सभी साथियों से अपील है कि जो भी मेरे संपर्क में आए हैं, वह अपना कोरोना टेस्ट करवा लें। मेरे निकट संपर्क वाले लोग क्वारन्टीन में चले जाएँ।
— Shivraj Singh Chouhan (@ChouhanShivraj) July 25, 2020
आफूले कोभिड–१९ का सबै निर्देशनहरू पालना गरिरहेको उनले जानकारी दिएका छन् । राज्यका सबै मानिसहरूलाई होशियार रहन उनले आग्रह गरेका छन् । उनले भनेका छन्, 'थोरै लापरवाहीले कोरोनालाई आमन्त्रित गर्दछ ।'
मैं अपने सभी साथियों से अपील करता हूँ कि #COVID19 के ज़रा भी लक्षण आये तो लापरवाही न बरतें, तत्काल टेस्ट कराएँ और उपचार प्रारम्भ करें।
— Shivraj Singh Chouhan (@ChouhanShivraj) July 25, 2020
शिवराज सिंह चौहान र उनका मन्त्रीहरू शारीरिक दूरी नबनाएकोमा विपक्षी कांग्रेसको लगातार निशाना बनेका छन् ।
चौहान धेरै कार्यक्रमहरूमा आफ्ना मन्त्रीहरू, अधिकारीहरु तथा कामदारहरूसँग धेरै नजिक रहँदै आएका थिए ।
चिकित्सकको सल्लाहअनुसार आफू चिरायु अस्पतालमा भर्ना भएको मुख्यमन्त्री चौहानले बताएका छन् । आफू पूर्ण रुपमा ठिक रहेको समेत उनले जानकारी दिएका छन् ।
#COVID19 की रिपोर्ट पॉजीटिव आने के बाद मैं डॉक्टर की सलाह पर चिरायु अस्पताल में एडमिट हो गया हूं। वहां सभी प्रकार के टेस्ट किये गये हैं। मैं पूर्ण रूप से स्वस्थ हूं।
— Shivraj Singh Chouhan (@ChouhanShivraj) July 25, 2020
यसैबीच, त्यहाँका एक राज्यमन्त्री अरविन्द भदोरिया कोरोना संक्रमणको कारण अस्पताल भर्ना भइसकेका छन् ।
