दक्षिण कोरियामा कोरोना भाइरस (कोभिड–१९) का संक्रमित पछिल्लो समयमा बढेका छन् ।
यहाँ पछिल्लो २४ घन्टामा ३४ जना संक्रमित थपिएको जनाइएको छ ।
योसँगै यहाँ मङ्ंगलबारसम्म कोरोनाका संक्रमितहरुको संख्या १४ हजार नाघेको बताइएको छ ।
थप ३४ जना भेटिएसँगै यहाँको संख्या १४ हजार ४२३ पुगेको बताइएको हो ।
यहाँ सोमबार मध्यरातिसम्ममा करिब २४ घन्टामा संक्रमितहरु ३४ जना थपिएका दक्षिण कोरियाको स्वास्थ्य मन्त्रालयले जानकारी दिएको हो ।
यहाँ पछिल्लो हप्ता हरेक दिन कम्तिमा पनि ५० जना संक्रमित थपिएका थिए।
यसरी यहाँ थपिएका संक्रमितमध्ये अधिकांश विदेशबाट आएका व्यक्तिमा पाइएको पनि समाचारमा जनाइएको छ ।
सोमबार थपिएका ३४ मध्ये २१ जना विदेशबाट आएका व्यक्तिहरु परेका पनि बताइएको छ ।
यहाँ यस संक्रमणबाट ज्यान जानेको संख्या ३०१ जना पुगेको बताइएको छ । यहाँका संक्रमितहरु बढीजसो चर्चमा गएका व्यक्तिहरु भएको बताइएको छ ।
सरकारले पछिल्लो समयमा कोरोना संक्रमितहरुको उपचार र नियन्त्रणमा निकै कडाइ गरेको बताइएको छ ।
दक्षिण कोरिया कोरोनाको नियन्त्रणमा प्रभावकारी देशका रुपमा रहेको बताइएको छ ।
