भारतीय गृहमन्त्री अमित शाह पुनः अस्पताल भर्ना भएका छन् ।
कोरोना भाइरस (कोभिड–१९) संक्रमणबाट निको भएपछि पनि थकान र जीउ दुख्नेलगायतका समस्या देखिएपछि उनलाई अस्पताल भर्ना गरिएको हो ।
उनी नयाँ दिल्लीस्थित अल इन्डिया इन्स्टिच्युट अफ मेडिकल साइन्स (एआइआइएमएस) अस्पताल भर्ना भएका हुन् ।
अस्पतालले दिएको जानकारी अनुसार पछिल्लो तीन-चारदिनदेखि उनलाई अत्यधिक थकान र जीउ दुख्ने समस्या भएको थियो ।
यसअघि उनको कोरोना रिपोर्ट नेगेटिभ देखिएपछि अगष्ट १८ मा डिस्चार्ज भएका थिए ।
