भारतको तेलङ्गना राज्यको वारंगाल गाउँमा भएको कार दुर्घटनामा परी पाँच जना युवाको मृत्यु भएको छ ।
उक्त गाउँको दामेरा प्रहरी स्टेसननजिक भएको दुर्घटनामा पाँच जनाको मृत्यु भएको त्यहाँका प्रहरी निरीक्षक भास्कर रेड्डीले जानकारी दिए ।
उनका अनुसार बुधबार दिउँसो साढे एक बजे पाँच जना युवा सवार कार दुर्घटनाग्रस्त भएको हो । उनीहरुको घटनास्थलमै मृत्यु भएको बताइएको छ ।
विपरीत दिशाबाट आएको ट्रकले सो कारलाई ठक्कर दिएको थियो । ट्रकको ठक्करपछि कार उछिट्टिएको प्रहरीले जनाएको छ ।
प्रहरी निरीक्षक रेड्डीले दुर्घटनाबारे थप अनुसन्धान भने जारी रहेको बताएका छन् ।
