चक्रवातका कारण भारतमा भीषण वर्षा हुँदा कम्तीमा ७ जनाको मृत्यु भइसकेको छ।
भारतीय सञ्चारमाध्यमका अनुसार आन्ध्र प्रदेश र तेलंगनामा ठूलो वर्षा भएको हो । वर्षाका कारण सडक नदीजस्तै बनेका छन् ।
तेलंगनाको राजधानी हैदराबादमा मंगलबार दिउँसो भारी वर्षा भएको हो । जसका कारण त्यहाँको जनजीवन प्रभावित भएको छ । वर्षाले तेलंगनाको मेडचल मलकजगिरी जिल्लाको घाटकेसर क्षेत्र सबैभन्दा बढी प्रभावित भएको छ ।
मंगलबार बिहान सुरु भएको वर्षा बुधबार बिहान ५ बजेसम्म जारी थियो । हैदरबादमा २० वर्षयता यति ठूलो वर्षा भएको थिएन ।
त्यहाँको हुसैन सागर तालको जलस्तर निकै माथि पुगेको बताइएको छ ।
आन्ध्र प्रदेशमा मंगलबार बिहानै नरसापुरम काकीनाडा नजिक चक्रवात पुगेको हो । जसका कारण कृष्णा, उभाया गोदावरी और उत्तराञ्चल जिल्लामा चेतावनी दिइएको छ ।
#WATCH Hyderabad: State Disaster Response and Fire Services Department rescued people in Toli Chowki area, that has been water-logged due to incessant rain in the city. #Telangana (13.11) pic.twitter.com/39LOvayCD1
— ANI (@ANI) October 13, 2020
