फिलिपिन्समा आएको शक्तिशाली आँधीका कारण कम्तिमा पनि ६७ जनाको मृत्यु भएको छ ।
आँधीमा परेर १२ जना बेपत्ता भएका फिलिपिन्सको राष्ट्रिय प्रकोप व्यवस्थापन केन्द्रले जनाएको छ ।
‘भाम्को’ नामक आँधीबाट फिलिपिन्सका लाखौँ नागरिक प्रभावित भएका अन्तर्राष्ट्रिय सञ्चार माध्यमहरुले जनाएका छन् ।
आँधीमा परी हराएका व्यक्तिको खोजी र पीडितलाई राहत र उद्धारको काम भइरहेको छ ।
दुई साता अघि पनि फिलिपिन्समा ‘गोनी’ नामको शक्तिशाली आँधी आएको थियो ।
त्यो आँधीका कारण कम्तिमा एक दर्जनको मृत्यु हुनुको साथै लाखौं मानिस विस्थापित भएका थिए ।
