अमेरिकामा कोरोना भाइरस (कोभिड १९) संक्रमणबाट एकै दिन मृत्यु हुनेको संख्यामा रेकर्ड कायम भएको छ।
कोरोना भाइरसको महामारी यता पछिल्लो २४ घण्टामा अमेरिकामा तीन हजार ५४ जनाको मृत्यु भएको छ । यसअघि गत मे ७ मा दुई हजार ७६९ जनाको मृत्यु भएको थियो ।
अमेरिकाका विभिन्न अस्पतालमा हाल एक लाख ६ हजारभन्दा धेरै कोरोना संक्रमित रहेका छन् । कतिपय राज्यका अस्पतालहरु कोरोना संक्रमितले भरिएका छन् ।
अमेरिकीहरुले कोरोना भाइरसविरुद्ध तय गरिएका गाइडलाइनहरु उल्लंघन गर्ने क्रम बढ्दै गएपछि संक्रमित र मृत्यु हुनेको संख्या पनि दिनप्रतिदिन बढ्दै गएको बताइएको छ ।
अमेरिकामा हालसम्म कोरोना संक्रमणबाट दुई लाख ८९ हजार मानिसको मृत्यु भइसकेको छ ।
एक करोड ५० लाखभन्दा धेरै व्यक्तिमा संक्रमण पुष्टि भएको छ ।
