युरोपेली संघ (इयू) ले फाइजरसँग १५ दशमलब ५ युरो अर्थात् २२ सय ३५ दशमलब २१ रुपैयाँमा प्रतिडोज खोप खरिद गर्ने सम्झौता गरेको छ ।
फाइजर र बायोएनटेकको खोप ९५ प्रतिशत प्रभावकारी सावित भएको बताइएको छ ।
रोयटर्सका अनुसार इयू र फाइजरबीच खोप खरिद विक्रीको विषयमा सहमति भइरहेको छ ।
अधिकारीहरुका अनुसार आम्सटरड्यामस्थित मुख्यालय रहेको युरोपियन मेडिसिन एजेन्सी इएमएले डिसेम्बर २९ अघि नै खोप लगाउन अनुमति दिने सम्भावना छ ।
बेलायत र संयुक्तराज्य अमेरिकाले यसअघि नै फाइजरका खोप प्रयोगमा ल्याइसकेका छन् ।
यसबीचमा युरोपेली युनियनमा आबद्ध २७ मुलुकले आगामी डिसेम्बर २७ देखि खोप लगाउने तयारी गरेको छ ।
