चीनको उत्तरपूर्वी एक शहरमा चक्कु आक्रमण हुँदा कम्तीमा सात जनाको मृत्यु भएको छ । घटनामा अन्य सात जना घाइते भएका छन् ।
लिओनिङ प्रान्तको कैयुवान सहरमा आइतबार बिहान भएको उक्त आक्रमण कुनै आतङ्ककारी समूहले गराएको हुनसक्ने त्यहाँका अधिकारीहरूले अनुमान गरेका छन् ।
कैयुवान सहरको एक रेस्टुरेन्टको नजिक (सडकमा) बिहान ८:१४ मा घटना भएको हो ।
व्यक्तिगत आवेगका कारण उक्त घटना भएको हुनसक्ने प्रारम्भिक अनुसन्धानपछि खुल्न आएको स्थानीय प्रहरीले बताएको छ ।
प्रहरीले घटनामा संलग्न व्यक्तिलाई नियन्त्रणमा लिई अनुसन्धान सुरु गरिरहेको जनाएको छ ।
