रुसमा ६० वर्षका एक व्यक्तिले रक्सी पिउने चुनौती स्विकार गर्दा उनको मृत्यु भएको छ ।
ग्रेण्ड फादर अर्थात हजुरबा को नामले परिचित उनले साढे १ लिटर भोड्का पिएपछि उनको त्यही स्थानमै मृत्यु भएको हो ।
६० बर्षीय युरी डुसेचकिनलाई एक युट्युबरले लाईभ स्ट्रिमिङका क्रममा भोड्का पिउन चुनौती दिएका थिए ।
उनको मृत्यु युट्युबबाट भैरहेको लाइभ स्ट्रिमिङबाट दर्शकले प्रत्यक्ष हेरिरहेका थिए ।
लाइभ स्ट्रिमिङमा उनले रक्सी पिइरहेको हेरिरहेका दर्शक उनको मृत्यु भएको देखेर अचम्मित भए ।
द इन्डिपेन्डेन्टले जनाए अनुसार युरी डुसेचकिनलाई एक युट्युबरले धेरै रक्सी पिउन सके पैसा दिने शर्तसहितको चुनौती दिएका थिए ।
यस्ता प्रकारको चुनौतीलाई ‘थ्रेस स्ट्रिम’ वा ‘ट्र्यास स्ट्रिम’ भनिन्छ । आजकाल यो सोसल मिडियामा व्यापक ट्रेन्ड भइरहेको छ ।
रुसी अधिकारीले अघिल्लो हप्ता स्मोलेन्स्क शहरमा भएको यो घटनाको अनुसन्धान सुरु गरेका छन् ।
यसैबीच रुसी सांसद एलेक्सी पुष्कोवले यस्तो घटनामाथि प्रतिबन्ध लगाउनका लागि कानून बनाउनमा जोड दिएकी छिन् ।
उनले यस्ता घटनाले सोसल मिडियामा हिंसालाई र डिजिटल अपराधलाई प्रोत्साहन गरिरहेको बताएकी छिन् ।
