एजेन्सी । भारतीय प्रधानमन्त्री नरेन्द्र मोदीले शुक्रबार बिहान देशवासीको नाममा सम्बोधन गरेका छन् ।
मोदीले देशवासीको नाममा ११ मिनेट लामो एक भिडियो सन्देश सार्वजनिक गरेका हुन् ।
उनले भनेका छन्, कोरोना भाइरसको विरुद्धको लकडाउनमा नागरिकले अनुशासनको परिचय दिएका छन् ।
आउने आइतबार (अप्रिल ५) राति ९ बजे सम्पूर्ण नागरिकलाई उनले ९ मिनेटसम्म घरको बत्ती बन्द गर्न आग्रह गरेको छन् ।
बत्ती निभाएर मैनबत्ती, टर्च, दियो अथवा मोवाइलको फ्ल्याश लाइट बाल्न उनले सबैमा अनुरोध गरेका छन् ।
मैनबत्ती, टर्च, दियो अथवा मोवाइलको फ्ल्याश लाइट बलेको अवस्थामा कोही पनि घरबाहिर ननिस्कन र सोशल डिस्टेन्सिङको पालना गर्न मोदीले सबैमा आग्रह गरेका छन् ।
अन्धकारमय कोरोनालाई हराउनको लागि देशमा प्रकाश फैलाउन आवश्यक रहेको उनले बताए ।
मोदीले भनेका छन्, 'आइतबार हामी १३० करोड देशवासीको संकल्पलाई नयाँ उचाइमा लिएर जानेछौं । आउनुहोस् सबै मिलेर (एकसाथ) कोरोनालाई हराऔं ।'
यस्तो छ मोदीको सम्बोधन:
WATCH: PM Narendra Modi shares a video message with the nation. (Courtesy: DD) https://t.co/4bIdR7v3dP
— ANI (@ANI) April 3, 2020
