भारतको पुनेस्थित कलेज अफ मिलिटरी इन्जिनियरिङको हाताभित्रबाट एक नेपाली युवती पक्राउ परेकी छिन् ।
ती महिला गैरकानुनी रुपमा बसेको भन्दै त्यहाँको प्रहरीले पक्राउ गरेको हो । २६ वर्षीया महिला नवलपरासीको भएको भारतीय सञ्चार माध्यमहरुले जनाएका छन् ।
उनी एक आर्मी अफिसरको निवासमा बसेको सूचना पाएपछि उनलाई पक्राउ गरी अनुसन्धान सुरु गरिएको प्रहरीले जानकारी दिएको छ ।
प्रहरी अनुसन्धानको क्रममा मार्च २३ मा आफूले पर्खाल नाघेर कलेजमा प्रवेश गरेको बयान दिएकी छन् । उनी किन त्यसरी प्रवेश गरिन् भन्ने सम्बन्धमा उनले केही बताएकी छैनिन् ।
ती महिलालाई मंगलबार अदालतमा पेश गरिएको थियो ।
यसअघि ती आर्मी अफिसर र महिलाबीच बाहिर भेट हुने गरेको प्रहरी अनुसन्धानबाट खुलेको छ ।
सो घटनामा आर्मी अफिसरको संलग्नताको विषयमा समेत अनुसन्धान भइरहेको प्रहरीले जानकारी दिएको छ ।
