च्याम्पियन्स लिगको समूह चरणको खेलमा आज राति म्यानचेस्टर सिटीले ओलम्पियाकोससँग प्रतिस्पर्धा गर्दैछ ।
समुह सी अन्तर्गतको खेलमा सिटीले घरेलु मैदानमा ओलम्पियाकोससँग खेल्ने लागेको हो ।
आजको खेलमा सिटीका गाब्रियल जिससले खेल्ने पक्का जस्तै छ । ब्राजिलियन खेलाडी जिसस गत सेप्टेम्बरपछि पहिलो पटक मैदानमा देखिने सम्भावना बलियो रहेको छ । उनी थाईको चोटका कारण आराममा थिए ।
तर प्रशिक्षक पेप ग्वार्डियोलाले उनी खेल्ने नखेल्ने एकिन नभएपनि टिमसँग प्रशिक्षणमा फर्किएको बताए । उनी फिट हुनु टिमका लागि निकै सकारात्मक पक्ष रहेको ग्वार्डियोलाले बताए ।
समुह सी मा सिटीले लगातार दुई खेलमा जित निकाल्दै शिर्ष स्थानमा रहेको छ ।
सिटीका डिफेन्डर नाथन आकी आजको खेलका लागि उपलब्ध भएपनि सर्जियो अगुइरो, फर्नान्डिन्हो, बेन्जामिन मेन्डी भने चोटका कारण खेल्न पाउने छैनन् ।
आजको खेलमा सिटीले जित निकालेमा अर्को चरणमा पुग्नका लागि केहि सहज बाटो बन्नेछ । ग्रिक विपक्षीविरुद्ध सिटीले एकपटक मात्र खेलेको छ ।
जुन सन् २०१० र ११ को युरोपा लिगको अन्तिम ३२ मा खेलको थियो । जसमा सिटीले तीन शुन्यको जित निकालेको थियो ।
युरोपियन प्रतियोगितामा ओलम्पियाकोसले इंग्ल्याण्डमा खेलेका पछिल्ला १६ अवे खेलमा १४ मा हार ब्यहोरेको छ ।
समुह सी मा ओलम्पियाकोसको दुई खेलमा तीन अंक छ ।
