च्याम्पियन्स लिग फुटबल अन्तर्गत मंगलबार राति भएको खेलमा समूह सी को म्यानचेस्टर सिटी एफसी पोर्टोसँग गोलरहित बराबरीमा रोकियो । अन्तिम समयमा गरेको गोलले मान्यता नपाए पनि म्यानचेस्टर सिटी समूहको शीर्ष स्थानमा कायम रहन सफल भयो ।

थप खेलाडीका रुपमा मैदान आएका गाब्रियल जिससले अन्तिम समयमा गोल गरेका थिए । तर उनको गोल अफसाइडका कारण खारेज भयो ।

गोलरहित बराबरीमा बाबजुद पनि पाँच खेलबाट १३ अंक जोडेको सिटी समूहको शीर्ष स्थानमा छ । दोस्रो स्थानको पोर्टोको १० अंक भएको छ ।

ओलम्पिकासलाई २–१ ले पराजित गरेको मार्सेइलीले पहिलो जित निकालेर तीन अंक जोडेको छ ।

यसैगरी, समूह ए अन्तर्गत मंगलबार राति नै भएको खेलमा एथ्लेटिको मड्रिड र बार्यन म्युनिखले १–१ को बराबरी खेलेका छन् ।

१३ अंकसहित बार्यन शीर्ष स्थानमा तथा ६ अंकसहित एथ्लेटिको दोस्रो स्थानमा छन् । यस्तै लोकोमोटिम मस्कोलाई ३–१ ले पराजित गरेको आरबी साल्जबर्ग चार अंकसहित तेस्रो स्थानमा पुगेको छ ।