प्रकाश अधिकारी
नवलपुर । किसानबाट किनेको दूध नबिकेपछि दल्दले दुग्ध विकास सहकारी संस्थाले सबै दूध पोखिदिएको छ ।
लकडाउनका कारण दूध लिन काठमाडौंका ठूला डेरी उद्योग नआएपछि दूध पोख्नुपरेको संस्थाले जनाएको छ ।
किसानसँग खरिद भइसकेको जानकारी गराउँदा समेत दूध लिन कोही नआएपछि संकलित दूध खोलामा लगेर पोखिएको संस्थाका उपाध्यक्ष विष्णु पौडेलले जानकारी दिए ।
अन्य समयमा यस संस्थाले संकलन गरेको दूध काठमाडौंका विभिन्न डेरीले (किनेर) लैजाने गरेका थिए ।
गाउँमा दूध खपत नहुने भन्दै अन्य डेरी दूध लिन नआएपछि नजिकैको बौलाहा खोलामा लगेर संकलित दूध पोखिएको उनले जानकारी दिए ।
