काठमाडौं । आज (बिहीवार) कारोबारको तेस्रो घण्टामा नेप्से परिसूचक ४.६८ अंकले घटेर २ हजार ०६६. ३४ विन्दुमा पुगेको छ ।
यस अवधिमा नेप्से ०.२३ प्रतिशत घटेको हो ।
तेस्रो घण्टाको अवधिमा १९७ ओटा कम्पनीको ६ अर्ब २९ करोड ११ लाख बराबरको शेयर खरीदविक्री भएको छ ।
१२ ओटा समूहको परिसूचकमध्ये जलविद्युत, उत्पादन तथा प्रशोधन र लघुवित्त समूहको परिसूचक बढेको छ भने बाँकी सबै समूहको परिसूचक घट्दा समग्र नेप्से नै घटेको हो ।
जसमध्ये व्यापार समूहको परिसूचक सबैभन्दा बढी ३.०४ प्रतिशतले घट्न पुगेको हो ।
यस अवधिसम्म नेपाल पुनर्बीमा कम्पनीको सर्वाधिक कारोबार भएको छ ।
उक्त कम्पनीको ९६ करोड ३७ लाख बराबरको शेयर कारोबार भएको छ । सो अवधिसम्म कम्पनीको शेयरमूल्य १ हजार ७५० मा कारोबार भइरहेको छ ।
