काठमाडौं । कृषि विकास बैंकले आफ्नो शेयरधनीहरुलाई लाभांश वितरण गर्ने घोषणा गरेको छ ।
आर्थिक बर्ष २०७६/०७७ को बार्षिक साधारणसभाबाट अनुमोदन गराई कायम रहेको साधारण चुक्ता पुँजीको आधारमा लाभांश वितरण गर्ने निर्णय गरेको हो ।
यस बैंकको आज (सोमबार) बसेको सञ्चालक समितिको ८५३ औँ बैठकले चुक्ता पुँजीको १५ प्रतिशत बोनस शेयर र बोनस शेयरमा लाग्ने कर प्रयोजनका लागि ०.२७ प्रतिशत नगद लाभांश प्रस्ताव गरेको हो ।
प्रस्तावित लाभांश राष्ट्र बैंकको स्वीकृति र बैंकको आगामी साधारणसभाले पारित गरेपछि शेयरधनीले पाउनेछन् ।
नेपाल सरकारको हाल कायम भएको फिर्ता नहुने अग्राधिकार शेयर पुँजीमा समेत बार्षिक ६ प्रतिशतले हुन आउने नगद लाभांश समेत प्रदान गर्ने बैंकले जनाएको छ ।
