लक्ष्मी बैंकको लाभांश घोषणा, कति छ बोनश ?

मंसिर ३०, २०७७

काठमाडौं । लक्ष्मी बैंक लिमिटेडले लाभांश प्रस्ताव गरेको छ ।

बैंकको हिजो (सोमबार) बसेको सञ्चालक समितिको बैठकले आर्थिक वर्ष २०७६र७७ को मुनाफाबाट बैंकका शेयरधनीहरूलाई ९ प्रतिशत बोनस शेयर र कर प्रयोजनका लागि समेत २.५ प्रतिशत नगद लाभांश गरी कुल ११.५ प्रतिशत नगद लाभांश वितरण गर्ने प्रस्ताव गरेको हो ।

यस बैंकले ८८ करोड ३१ लाख ३० हजार ५०० रुपैयाँ बराबरको बोनस वितरण गर्नेछ भने, २४ करोड ५३ लाख १३ हजार ९८८ रुपैयाँ नगदमा खर्च गरेको छ । यस बैंकले गत वर्ष १० प्रतिशत बोनस र ५ प्रतिशत नगद गरी कुल १५ प्रतिशत लाभांश वितरण गरेको थियो ।