काठमाडौं । चिलिमे जलविद्युतको साधारण सभाका पुस १२ गते हुने भएको छ ।
यस कम्पनीको सभा रजिष्टर्ड कार्यालय धुम्रबाराही, काठमाडौंमा भर्चुअल माध्यमबाट गर्ने कम्पनीले जनाएको छ ।
उक्त सभामा १० प्रतिशत बोनस शेयर र १० प्रतिशत नगद लाभांश वितरण गर्ने प्रस्ताव पारित गर्ने भएको छ ।
सभा प्रयोजनको लागि शेयरधनी दर्ता पुस्तिका मंसिर २९ गतेदेखि पुस १२ गतेसम्म बन्द रहने भएको छ ।त्यसैले मंसिर २८ गतेसम्म कायम रहेका शेयरधनीले मात्र यो सभामा भाग लिन पाउनेछन् ।
