काठमाडौं । सेन्ट्रल फाइनान्स लिमिटेडले १० प्रतिशत लाभांश प्रस्ताव गरेको छ ।
यस कम्पनीको हिजो (आइतबार) बसेको सञ्चालक समितिको बैठकले आर्थिक वर्ष ०७६/७७ को मुनाफाबाट ७ प्रतिशत बोनस शेयर र कर प्रयोजनका लागि समेत ३ प्रतिशत नगद गरी १० प्रतिशत लाभांश वितरणको प्रस्ताव गरेको हो ।
हाल यस कम्पनीको चुक्तापूँजी ८२ करोड ३३ लाख ९७ हजार रहेको छ ।
उक्त लाभांश प्रस्ताव नेपाल राष्ट्र बैंकको स्वीकृति पश्चात आगामी साधारण सभाले पारित गरेपछि वितरण गरिनेछ ।
