काठमाडौं । मेगा बैंकको सेयर मूल्य समायोजन भएको छ ।
नेप्सेले यस बैंकको १० प्रतिशत बोनस सेयरपछिको मूल्य समायोजन गरेको छ । समायोजनपछिको मूल्य २५० रुपैयाँ निर्धारण भएको छ ।
नेप्सेले बिहीबार अन्तिम कारोबार मूल्य २७५ रुपैयाँका आधारमा मूल्य समायोजन गरेको हो ।
यहि मूल्यलाई आधार मानेर आइतबारबाट यस बैंकको सेयर कारोबार खुल्नेछ भने,पुस २९ गते बस्ने साधारण सभाका लागि आज(शुक्रबार) बुक क्लोज गर्ने छ ।
जसअनुसार हिजो (पुस १६ बिहीबार) गतेसम्म कायम सेयरधनीले सञ्चालक समितिले प्रस्ताव गरेको उक्त लाभांश पाउनेछन् ।
उक्त लाभांश बैंकको आर्थिक वर्ष २०७६/७७ को नाफाबाट १०प्रतिशत बोनस र ३.०५ प्रतिशत नगद लाभांश गरी १३.०५ प्रतिशत लाभांश वितरण गर्न लागेको हो ।
