काठमाडौं । पोर्चुगलका फुटबल स्टार क्रिस्टियानो रोनाल्डोले कोकको बोतल पन्छाएर पानी रोजेको घटनाले कोकाकोलाको शेयर भ्यालुमा गिरावट आएको छ ।
हंगेरीविरुद्धको युरोकप खेल्नुअघि उनले आफ्नो अगाडि भएका कोकका बोतल हटाएर पानी रोजेका थिए ।
घटना गत सोमबारको हो । हंगेरीसँगको युरोकप खेल्नुअघि बुढापेस्टको पुस्कास फेरेंक स्टेडियममा आयोजित पत्रकार सम्मेलनमा उनले आफ्नो अगाडि राखिएका दुई वटा कोकाकोलाका बोतल हटाएर पोर्चुगलकै एउटा कम्पनीको पानीको बोत्तल उठाएका थिए ।
उनले कोक नरोजी पानी लिएपछि यसको असर अहिले कोकाकोला कम्पनीमाथि परेको हो । स्पेनिस मिडिया मार्काले यो घटनापछि कोकाकोला कम्पनीले शेयर भ्यालु घटेको जनाएको छ ।
मार्काका अनुसार कोकाकोला कम्पनीको ब्राण्ड भ्यालु ४ बिलिलय डरलले घटेर २४२ बिलियनबाट २३८ अर्ब भएको छ। यस्तै, उक्त दिन कम्पनीको स्टक मार्केट १.६ प्रतिशतले घट्यो। उक्तदिन युरोपमा स्थानीय समयअनुसार शेयरबजार ३ बजे खुल्दा कोकाकोलाको शेयरमूल्य ५६.१० डलर थियो। तर उक्त पत्रकार सम्मेलनको ३० मिनेटपछि शेयरमूल्य घटेर ५५.२२ भएको थियो ।
रोनाल्डो उक्त घटना लगत्तै १.६ प्रतिशतले घटेको सेयर मूल्य अहिले पनि ओरालो लागिरहेको जनाइएको छ । उनले कोकोकोला पन्छाएर पानी लिएपछि यसले मानिसलाई तन्दुरुष्त राख्न पानी अन्य पेय पदार्थभन्दा पानी उत्तम हो भन्ने सन्देश दिएको छ ।
