काठमाडौं । ललितपुरको जावलाखेलमा जुत्ता चप्पल व्यापार मेला भइरहेको छ । नेपाली जुत्ता चप्पल उत्पादक समूहले चाडपर्वलाई लक्षित गरेर जुत्ता चप्पल मेला आयोजना भएको हो ।
मेलामा २० देखि ५० प्रतिशतसम्म छुटको व्यवस्था रहेको आयोजकको भनाइ छ । तीन लाख जनाभन्दा धेरैले मेलाको अवलोकन गर्ने लक्ष्य राखिएको छ । बिहान ९ बजेदेखि बेलुकी ७ बजेसम्म खुल्ला रहने मेलामा जानको लागि कुनै शुलक लाग्ने छैन । मेलामा नेपालमा स्थापित जुत्ता चप्पल उत्पादक कम्पनी र ब्रान्डहरूका जुत्ता तथा चप्पल राखिएको छ ।
‘नेपाली उत्पादनको प्रवर्द्धन हाम्रो अभियान’ भन्ने नारासहित हिजोदेखि शुरु भएको मेला कात्तिक ३ गतेसम्म चल्नेछ ।
