एजेन्सी । बलिउड अभिनेत्री स्वरा भास्करको एक भिडियो अहिले निकै भाइरल भइरहेको छ ।
भिडियोमा उनले सुप्रिम कोर्ट, सरकार र प्रहरीलाई आलोचना गरेकी छिन् ।
सामाजिक सञ्जाल प्रयोगकर्ताले स्वरामाथि हिंसा भड्काएको आरोप लगाएका छन् ।
यसै भिडियोलाई लिएर अधिवक्ता सञ्जीव कुमारले दिल्ली हाइकोर्टमा याचिका दायर गरेका छन् ।
उनले स्वरा भास्कर, सामाजिक अभियन्ता हर्ष मन्दन, आरजे साएमा र आम आद्मी पार्टीका विधायक अमानतुल्लाह खानविरुद्ध एफआइआर दर्ता गर्न माग गरेका छन् ।
स्वराले लगातार सिएए र एनआरसीको विरोध गर्दै आएकी छिन् । भिडियोमा पनि उनले सरकार र न्यायपालिकामाथि आरोप लगाएकी छिन् ।
The violence of Radical Terrorism comes in many forms - Queen of Dumbness is one of them.
— Vivek Ranjan Agnihotri (@vivekagnihotri) February 27, 2020
With soldiers like these, liberals accept to win. pic.twitter.com/oYw1MyOEpG
स्वराको उक्त भिडियो भाइरल भएसँगै ट्विटरमा 'अरेस्ट स्वरा भास्कर' ट्रेन्ड भइरहेको छ ।
अधिवक्ता सञ्जीव कुमारले यो पनि आरोप लगाएका छन् कि, केही वुद्धिजिवी तथा छद्म उदारवादीको समूहले अमेरिकी राष्ट्रपति डोनाल्ड ट्रम्पको भारत भ्रमणको समयमा अन्तराष्ट्रिय स्तरमा देशलाई बदनाम गर्न लागि परे ।
