एजेन्सी । कोरोना भाइरस संक्रमण नियन्त्रणको लागि भारतका एयरपोर्टमा विशेष स्वास्थ्य जाँच भइरहेको छ ।
यसैबीच, यसैसँग सम्बन्ति एक भिडियो बलिउड अभिनेत्री आलिया भट्टकी आमा सोनी राजदानले सामाजिक सञ्जालमा शेयर गरिन् ।
भिडियोमार्फत उनले यात्रुहरुले झेल्नुपर्ने समस्याको बारेमा बताउन चाहेकी थिइन् । तर, सामान्य विचार नपुर्याउँदा उनले फेल खाइन् ।
पछि उनले माफी माग्दै आफ्नो पोस्ट डिलिट गर्न बाध्य भइन् ।
उनले शेयर गरेको भिडियोमा एयरपोर्टमा रहेका यात्रुले ड्युटीमा रहेका एयरपोर्टका कर्मचारी र प्रहरीलाई गाली गरिरहेका थिए ।
भिडियो शेयर गर्दै सोनीले लेखेकी थिइन्, 'नयाँ दिल्ली इन्टरनेसनल एयरपोर्ट टि-३ मा आजको अवस्था । यहाँ आउने सबै यात्रुको पासपोर्ट लिइरहेका छन् र तबसम्म फिर्ता गरेका छ्रनन् जबसम्म सबै जाँच पूरा हुँदैन । भारतीय नागरिकलाई पनि बाहिर निस्कन दिइएको छैन । यात्रुहरु चिच्याइरहेका छन् कि, 'हामीलाई मारिदेउ ।'
दिल्ली एयरपोर्टले दियो जवाफ
सोनीको उक्त ट्विट पछि दिल्ली एयरपोर्ट अथोरिटीले आफ्नो अफिसियल ट्विटर ह्याण्डलमार्फत जवाफ दिएको छ ।
जहाँ लेखिएको छ, डियर म्याम, 'यो भिडियो अहिलेको हेइन, पूरानो हो । अहिले यो अवस्था छैन, सबै पक्रिया सुव्यवस्थित र सामान्य छ । हामी निकै समन्वयका साथ काम गरिरहेका छौं । यात्रुलाई सकेसम्म कम भन्दा कम असुविधा होस् भन्नेमा हामी सचेत छौं ।'
Deleting my tweet right away as this clarification has been issued by Delhi Airport. My only concern was the safety of those who could have spread the virus to each other (and to others) due to the way they were herded together, and not that people should not be checked. 🙏 https://t.co/YsSRfTnNa8
— Soni Razdan (@Soni_Razdan) March 18, 2020
ट्रोल हुन थालेपछि माफी
सोनीको ट्विट हेरेर मानिसहरुले ट्रोल बनाउन थाले । त्यसपछि उनले अर्को ट्विट गर्दै माफी माग्न बाध्य भइन् ।
उनले लेखेकी छिन्, 'उक्त भिडियोको लागि म इमान्दारीसँग माफी माग्न चाहन्छु । कृपया उक्त पोष्टको लागि मलाई माफ गरिदिनुहोस् ।'
