एजेन्सी । कोरोना भाइरसको आतंक संसारभर फेलिरहेको छ । भारतमा पनि कोरोना भाइरस नियन्त्रणको लागि लकडाउन घोषणा भइसकेको छ ।
यसबीचमा बलिउडका सेलेब्रेटीहरु घरमै थन्किएर बस्न बाध्य भएका छन् । घर भित्रै विभिन्न क्रियाकलाप गरेर उनीहरुले समय बिताइरहेका छन् ।
बलिउडकी चर्चित अभिनेत्री दिशा पटानी पनि सेल्फ क्वारेन्टाइन (घरमा) बसिरहेकी छिन् ।
तर उनी आफ्नो कथित प्रेमी टाइगर श्राफसँग नभएर टाइगरकी बहिनी कृष्णा श्राफसँग समय बिताइरहेकी छिन् ।
सामाजिक सञ्जालमा दिशाले एक भिडियो शेयर गरेकी छिन् । उक्त भिडियोमा उनी कृष्णासँग देखिएकी छिन् । दुईजनाले टिकटक भिडियो बनाइरहेका छन् ।
दिशा र टाइगरसँग रिलेसनसिपमा रहेदेखि कृष्णा र दिशाको पनि राम्रो सम्बन्ध छ । उनीहरु बाहिरका कार्यक्रममा समेत कहिलेकाँही सँगै देखिने गरेका छन् ।
हालै दिशको अभिनय रहेको फिल्म 'मलंग' रिलिज भएको थियो । फिल्मले ठिकठाक बिजनेस गर्न सफल रह्यो ।
दिशा अब प्रभु देवाको फिल्म 'राधे: योर मोस्ट वान्टेड भाई'मा सलमान खानसँग देखिनेछिन् ।
