काठमाडौं । कोरोना भाइरसको संक्रमणका कारण विश्वका हरेक देशमा मृत्युदर फरकफरक रहेको छ ।

नेपाल फ्ल्यासले ५० हजारभन्दा माथि संक्रमित भएका ५३ मुलुकको तथ्यांक विश्लेषण गर्दा इटालीमा संक्रमितमध्ये करिब १३ प्रतिशतको मृत्यु भएको छ । इटाली बढी संक्रमितको सूचीको १९औँ स्थानमा रहेको छ भने मृत्युका आधारमा छैटौँ स्थानमा छ ।

सर्वाधिक संक्रमित रहेका ती ५३ मुलुकमध्ये सबैभन्दा कम मृत्युदर सिंगापुरमा छ । त्यहाँ भएका संक्रमितमध्ये शून्य दशमलव ०७ प्रतिशतको मृत्यु भएको छ ।

बढी मृत्युदरका हुनेमा बेलायत तेस्रो र बेल्जियम तेस्रो स्थानमा छ । बेलायतमा करिब १२ प्रतिशतको मृत्यु भएकोमा बेल्जियममा पनि ११ प्रतिशतभन्दा बढीले मृत्युवरण गरेका छन् । मेक्सिकोको मृत्युदर पनि दोहोरो अङ्कमा छ ।

५० हजारभन्दा बढी संक्रमित भएर पनि एक प्रतिशतभन्दा कम मृत्युदर हुने मुलुकमा कतार, बहराइन, युएई, कुवेत, इजरायल, भेनेजुएला, ओमान र बेलारुस छन् ।

सबैभन्दा बढी संक्रमित रहेको अमेरिकामा २ दशमलव ९९ प्रतिशतको मृत्यु भएको छ । अमेरिका बढी मृत्युदरका आधारमा २५औँ स्थानमा छ । कोरोना भाइरसको उत्पत्ति भएको मुलुक चीनमा ५ दशमलव ४४ प्रतिशतले ज्यान गुमाएको र उ मृत्युदरका आधारमा १३औँ स्थानमा रहेको समाचार एजेन्सीहरूले जनाएका छन् ।

संक्रमण फैलँदै गएको भारत बढी मृत्युदरका आधारमा ३९औँ स्थानमा छ । भारतमा संक्रमितमध्ये एक दशमलव ७४ प्रतिशतको मृत्यु हुने गरेको छ । तेस्रो बढी संक्रमित भएको ब्राजिलमा तीन दशमलव ०६ प्रतिशतले ज्यान गुमाएका छन् । ५० हजारभन्दा बढी संक्रमित भएका मुलुकहरूमध्ये ब्राजिल बढी मृत्युदरका आधारमा २२औँ स्थानमा रहेको छ । यो सूचीको ३८औँ स्थानमा रहेको रुसको मृत्युदर एक दशमलव ७४ प्रतिशत रहेको छ ।

नेपालको मृत्युदर शून्य दशमलव ६ प्रतिशत रहेको छ ।

५० हजारभन्दा बढी संक्रमित भएका मुलुकको मृत्युदर