कोरोना भाइरस (कोभिड—१९) का कारण चीन, भारत तथा तेस्रो मुलुकबाट आयात निर्यात ठप्प भएको समाचार सार्वजनिक भइरहेका बेला लेखराज भट्टले तेस्रो मुलुकबाट सामान आयात बन्द नभएको बताएका छन् ।
‘चीन, भारत, तेस्रो मुलुकबाट केही आउँदैन भन्ने मनोविज्ञान तोड्न आवश्यक छ,’ उनले भने, ‘तर सामान आइरहेको छ । तर, केही सतर्कता अपनाइएको छ ।’
मान्छेबाट मात्र नभई अन्य सामानका कारण पनि कोरोना मानिसमा सर्ने भएकाले केहीदिन नाकामा सामान राख्नुपर्ने बाध्यता रहेको उनले बताए ।
सोमबार राजधानीमा भएको एक कार्यक्रममा उनले यस्तो बताएका हुन् । उनले भट्टले चीन, भारत तथा तेस्रो मुलुकबाट केही आउँदैन भन्ने मनोविज्ञान हटाउन आवश्यक रहेको बताएका छन् ।
साथै, उनले तत्काल श्वेतपत्र जारी गर्नुपर्ने आवश्यकता नरहेको समेत बताएका छन् । उनले संकटकालै घोषणा गर्नुपर्ने अवस्था भएपछि मात्रै श्वेतपत्र जारी हुने बताए । यद्यपि संकटकालै घोषणा गर्नुपर्यो भने त्यतिबेला श्वेतपत्र जारी हुने उनले बताए ।
मन्त्री भट्टले उपभोग्य सामानहरू माग बढ्दा केही मूल्य बढ्नु स्वाभाविक भएको बताउँदै कालोबजारी हुन नदिने प्रतिबद्धता जनाए ।
बजारमा मागअनुसार उत्पादन हुने सामान एक्कासि माग बढ्दा केही मूल्य बढ्नु स्वाभाविक भएको उनले बताए ।
