काठमाडौं । बागलुङकी ६५ वर्षीया महिलाको अन्तिम रिपोर्ट नेगेटिभ आएको छ ।
जिल्ला जनस्वास्थ्य कार्यालय बागलुङका जनस्वास्थ्य अधिकृत सुरज गुरौले ६५ वर्षीया महिलाको अन्तिम रिपोर्ट नेगेटिभ आएको बताएका हुन् ।
उनले भने, ‘६५ वर्षीया वृद्धामा कोरोना नेगेटिभ देखिएकाले डिस्चार्ज गर्ने तयारी भइरहेको छ ।’
उनी नेपालको छैटौं कोरोना भाइरस (कोभिड–१९) संक्रमित बिरामी हुन् ।
चैत २० मा संक्रमण पुष्टि भएसँगै उनलाई धौलागिरि अञ्चल अस्पतालमा भर्ना गरिएको थियो ।
उनी चैत ४ गते उनी बेल्जियमबाट कतार एयरको क्युआर ६५२ को फ्लाइटबाट नेपाल आएकी थिइन् ।
सोही जहाजमा आएकी एक युवती पनि शनिबारै कोरोनामुक्त भएर घर गएकी छिन् भने बागलुङकै अर्की युवतीको हाल धौलागिरि अस्पतालमा उपचार भइरहेको छ ।
