काठमाडौं । नेपालमा कोरोना संक्रमण बढ्दै गए पनि सरकारले पीसीआर विधिबाट गर्ने परीक्षण भने बढाउने सकेको छैन ।

पछिल्लो चार दिनमा हरेक दिन परीक्षणको दायरा घट्दै जाँदा सरकारको तयारीमा प्रश्न उठेको छ ।

कोरोनाको र्‍यापिड टेस्ट बिधिमा धेरै प्रश्न उठिसकेको बेला सरकारले पर्याप्त किटको जोहो गर्न नसक्दा परीक्षणमा कछुवाको शैली देखिएको हो । परीक्षणका लागि प्रयोगशाला एकबाट १८ वटा पुगिसके पनि परीक्षण भने निकै सुस्त छ ।

यसबीचमा बैशाख १७ गते सर्वाधिक ७१७ वटा परीक्षण भएको थियो ।  बैशाख लागेयता बैशाख ७ गते सबैभन्दा कम परीक्षण ६४ वटा गरिएको थियो ।

सरकारले पहिलो चरणमा दिएको विवादास्पद ठेक्का र कमिशन प्रकरणपछि ठेक्का खारेजी, जी टु जी खरिद गरी नेपाली सेनाले ल्याउने भनेको सामान आइनपुग्नु र पछि दिइएको ठेक्का पनि कामकाजी नभएपछि अहिले परीक्षणको किट अभाव भएको हो ।

यस्तो छ पीसीआर विधिबाट गरिएको परीक्षण