विश्व स्वास्थ्य संगठन (डब्लुएचओ) ले कोरोना भाइरसको संक्रमणको कहिल्यै पूर्ण नियन्त्रणमा संभावना कम हुँदै गएको जनाएको छ ।

डब्लुएचओली यसलाई नियन्त्रणका लागि निक्कै ठुलो प्रयास आवश्यक भएको उसले जनाएको हो । खोप पत्ता लागेपछि पनि बृहत प्रयासको आवश्यक रहने उसले उल्लेख गरेको छ ।

डब्लुएचओका निर्देशन डा. माइक रायनले कोरोना भाइरसको कहिल्यै अन्त्य नहुने र यो रहिरहने सम्भावना बढ्दै गएको बताएका हुन् । कोरोना भाइरसको अन्त्य कहिले हुन्छ भनेर भइरहेका भविष्यवाणीतर्फ संकेत गर्दै अहिल्यै त्यस्तो स्थिति नरहेको जनाएका हुन् ।

डा. रायनले भने, ‘कोरोनाको अन्त्य यो समयमा हुने वा त्यो समयमा हुने भनेर जसले पनि भनिरहेका छन् । तर त्यस्तो नहुन सक्छ ।’ उनले कोरोना भाइरसविरुद्ध १०० सयभन्दा संभावित खोप बनाउने काम भइरहेको जानकारी दिए । उनले खोप बन्दैमा यो उन्मुलन हुनेमा शंका व्यक्त गरे । उनले भने- 'खोप भएका धेरै रोग अहिले पनि उल्मुलन भएका छैनन् । कोरोना भाइरस पनि त्यस्तै हुन सक्छ ।'

यता डब्लुएचओका महानिर्देशक डा. टेडरोज आध्यानोम गेब्रेयेसोसले भने एकीकृत प्रयास गरिए भाइरसलाई नियन्त्रणमा लिन सकिने विश्वास व्यक्त गरेका छन्  । उनले अवस्था कस्तो हुनेछ भन्ने महामारी अन्त्यका लागि हामीले गरेका प्रयासमै भरपर्ने बताए ।

कतिपय देशहरूले लकडाउन खुकुलो पारिरहेका बेला डब्लुएचओका उच्च अधिकारीहरूले यस्तो चेतावनी दिएका हुन् ।