हिजोआज मुुटुको बिरामीको संख्या दिनप्रतिदिन बढ्दै गएको पाइन्छ । जसले गर्दा हृदयघातको सम्भावना पनि बढाएको छ । यस्तो अवस्थामा मुटु स्वस्थ राख्नको लागि केही यस्ता खानेकुराको अत्यधिक सेवन गर्नहुँदैन । जुन खानाले झनै हृदयघातको सम्भावना बढाउँछ ।
स्वस्थ्य रहनको लागि मुटु पनि स्वस्थ्य रहन आवश्यक छ । स्वस्थ्य मुटुको लागि पौष्टिक खानाको आवश्यक हुन्छ ।
सामान्यतयाः मानिसहरु मुटुको धड्कन बढ्दा वा घट्दा निकै चिन्तामा हुने गर्छन् । तर, कहिलेकाँही गलत खानपानका कारण मुटुको धड्कनमा परिवर्तन आउने गर्छ । त्यसैले, जुन खानाको सेवन गर्दा मुटु छिटो छिटो धड्किन्छ त्यस्तो अवस्थामा ती खाना खान कम गर्नुपर्छ ।
धूम्रपान तथा मद्यपान
धूम्रपान तथा मद्यपानको सेवनले मुटुको चाल बढ्छ । जो व्यक्ति लगातार रक्सीको सेवन गर्छन् ती व्यक्तिमा अन्य व्यक्तिको तुलनामा मुटु कमजोर हुन्छ । त्यसैले अत्यधिक चुराेट रक्सीको सेवन गर्ने व्यक्तिलाई कार्डियक अरेस्ट र हृदयघात जस्ता ज्यानमारा स्थितीको पैदा हुन्छ ।
धेरै तारेको र भुटेको खानेकुरा
धेरै तारेको र भुटेको खानेकुरा अस्वस्थ्य हुन्छ । यस्तो खानामा कोलेस्ट्रोलको मात्रा बढी हुन्छ । जसले मुटुको समस्या पैदा गर्छ । भने क्यान्सर र मोटोपन बढाउँछ ।
चिया र कफिको अत्याधिक सेवन
कफि र चिया दुवैमा क्याफिनको मात्रा निकै ज्यादा हुन्छ । कफिनको अत्याधिक सेवनले मुटुको धड्कन बढ्न सक्छ । यदि तपाईं दैनिक चिया वा कफिको सेवन सीमित मात्रामा गर्नुहुन्छ भने यसको शरीरमा असर कम हुन्छ । तर, एक दिनमा ३ कपभन्दा बढी कफि वा चिया पिउनुहुन्छ भने तपाईंलाई विभिन्न प्रकारका रोग लाग्ने खतरा हुन्छ ।
हानिकारक चिसो पेय पदार्थ र चकलेट
चिसो पेय पदार्थ र चकलेट दुवैमा क्याफिनको मात्रा धेरै हुन्छ । यसको अत्याधिक सेवनले मुटुको धड्कन तेजसँग धड्किन थाल्छ । यसका साथै चिसो पेय पदार्थमा चिनीको मात्रा पनि धेरै हुन्छ । त्यसैले चिसो पेय पदार्थ धेरै पिउँदा शरीरमा चिनीको मात्रा बढ्छ र यसको अत्यधिक सेवन गर्दा स्वास्थ्यमा नोक्सान पुग्छ ।
साथै अत्यधिक मात्रामा चिनी र नुनकाे सेवन गर्ने तथा बढी तनाब लिइरहने मानिसलाई पनि हर्ट अट्याककाे जाेखिम बढाउँछ । तर सन्तुलित भाेजन र पानीकाे उपभाेग तथा शारीरिक व्यायाम नियमित गरे मुटु बचाउन सकिन्छ ।
