काठमाडौं । पछिल्लो २४ घण्टामा कर्णाली प्रदेशमा ३१ जनामा कोरोना संक्रमित पुष्टि भएको छ ।
सुर्खेतस्थित प्रदेश अस्पताल, पशुपक्षी रोग अन्वेषण प्रयोगशाला, दैलेख अस्पतालको प्रयोगशाला र चौरजहारी नगरपालिकाको प्रयोगशाला रुकुम पश्चिममा गरिएको परीक्षणमा थप ३१ जनामा संक्रमण पुष्टि भएको हो ।
योसँगै कर्णालीमा कोरोना संक्रमितको संख्या १९१० पुगेको छ । यस्तै यो प्रदेशमा डिस्चार्ज हुनेको संख्या १६५८ पुगेको छ ।
हाल यो प्रदेशमा २४६ जना सक्रिय संक्रमित छन्। त्यसैगरी कर्णालीमा सोमबार १४ जना डिस्चार्ज भएका छन् । यस प्रदेशमा हालसम्म ६ जनाले कोरोनाकै कारण ज्यान गुमाएका छन् ।
