काठमाडौं । नेपालमा पछिल्लो २४ घण्टामा थप ३१५ जनामा कोरोना भाइरस (कोभिड-१९) संक्रमण पुष्टि भएको छ ।
शनिबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले देशभरका प्रयोगशालामा गरिएको परीक्षणमा थप ३१५ जनामा कोरोना पुष्टि भएको जानकारी दिए ।
आज देशभर सकृय संक्रमितकाे संख्या ५ हजार ३३८ जना छन् । बिहीबार ६ हजार ९९३ जनाकाे पिसिआर परीक्षण गर्दा हालसम्म नेपालमा ३ लाख ८२ हजार ४९० जनाकाे पिसिआर परीक्षण गरिएकाे छ ।
यो सँगै नेपालमा कोरोना संक्रमितको संख्या २० हजार ८६ पुगेको छ ।
