काठमाडौं । नेपालमा पछिल्लो २४ घण्टामा १ हजार २२८ जनामा कोरोनाभाइरस संक्रमण पुष्टि भएको छ ।
बिहीबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले देशभरका प्रयोगशालामा गरिएको परीक्षणमा १ हजार २२८ जनामा संक्रमण पुष्टि भएको जानकारी दिए ।
योसँगै नेपालमा कुल संक्रमितको संख्या ४२ हजार ७५७ पुगेको छ । सक्रिय संक्रमितको संख्या १८ हजार ४१३ जना छन् । साथै हाेम आइसाेलेशनमा ७ हजार ७४२ जना छन् । साथै १० हजार ६७१ जना संस्थागत आइसोलेशनमा रहेका छन् ।
आजसम्म डिस्चार्ज हुनेको संख्या २४ हजार २०७ पुगेको छ । आज १३ हजार ७१३ जनाकाे पिसिआर परीक्षण गरिएकाे मन्त्रालयले जनाएकाे छ ।
