काठमाडौं । केन्द्रीय कारागार सुन्धारामा कोरोना संक्रमणका कारण तीन जना कैदीबन्दीको मृत्यु भएको छ ।
मृत्युपछि उनीहरुमा कोरोना संक्रमण पुष्टि भएको हो । उनीहरु तीनै जनाको भदौ १६ गते वीर अस्पतालमा मृत्यु भएको थियो ।
पाल्पाका ५८ वर्षीय पुरुष, बझाङका ६० वर्षीय पुरुष र सिरहाका ६४ वर्षीय पुरुषको गत १६ गते मृत्यु भएको हो ।
बिहीबार आएको उनीहरुको रिपोर्टमा कोरोना पोजेटिभ देखएिको केन्द्रीय कारागार कार्यालयका जेलर लक्ष्मीप्रसाद बाँस्कोटाले जानकारी दिए ।
जेलर बाँस्कोटाका अनुसार उनीहरु दिर्घ रोगीसमेत थिए ।
यसअघि मेघा अस्पतालमा पनि केन्द्रीय कारागारकै एक कैदीको मृत्यु भएको थियो । कञ्चनपुरका ४१ वर्षीय कैदीको भदौ १६ गते नै मृत्यु भएको थियो ।
हालसम्म केन्द्रीय कारागारमा ५९ जना कैदीबन्दी संक्रमित भएको जेलर बाँस्कोटाकाले जानकारी दिए ।
तर अहिलेसम्म २१० जनाको मात्रै पिसिआर परीक्षण गरिएको छ ।
